თორნიკე შენგელიას ბარსელონამ, ესპანეთის ლიგა ენდესას 1/2 ფინალური სერიის მე-2 შეხვედრაში, გიორგი შერმადინის ტენერიფე 8-ქულიანი სხვაობით დაამარცხა და სოლიდური უპირატესობა მოიპოვა - 97:89.
შენგელია სერიის პირველი მატჩის MVP გახდა, ამ თამაშში კი გუნდს 9 ქულით, 6 მოხსნითა და 2 ასისტით დაეხმარა. მისმა ეფექტიანობის ინდექსმა 14 შეადგინა.
მეორე მხრივ, შერმადინს ზედიზედ მე-7 შეხვედრაში არ მიუღია მონაწილეობა - თავი შეუძლოდ იგრძნო და 20 მაისიდან მოყოლებული ექიმების მეთვალყურეობის ქვეშაა.
ბარსელონა სერიაში 2:0 დაწინაურდა და ფინალის საგზურის ნაადრევად გაფორმებას ტენერიფეში გასამართ მატჩში ან მატჩებში შეეცდება. გუნდები 13 ივნისის 22:00 საათიდან ითამაშებენ.
