საფრანგეთის ნაკრებისა და სევილიას ყოფილმა მცველმა, ბენუა ტრემულინამ გადაცემა „L’Équipe de Greg“-ში კილიან მბაპეს მადრიდული კარიერა შეაფასა.
ტრემულინა თვლის, რომ მბაპეს მოსვლამ რეალში დიდი მოლოდინები გააჩინა, თუმცა რეალობა გულშემატკივრებისთვის იმედგაცრუებად იქცა.
ინდივიდუალიზმი გუნდის საზიანოდ
ტრემულინას განცხადებით, მბაპე გუნდში როკ-ვარსკვლავის სტატუსით მივიდა, რაც კლუბის ტრადიციულ სტრუქტურას დაუპირისპირდა:
რეალის გულშემატკივრები ფიქრობდნენ, რომ მბაპე მესია იყო, რომელიც ჩემპიონთა ლიგის ტიტულებს მოუტანდათ. მაგრამ ჩვენ ვხედავთ, რომ ეს მოდელი არ მუშაობს. მბაპეს სტატისტიკა შთამბეჭდავია, ის გოლებს იტანს, მაგრამ ეს გუნდურ ბალანსს აზიანებს
გასახდელის დივერსია
ყველაზე მწვავე კრიტიკა მბაპეს გასახდელში არსებულ ატმოსფეროზე მოქმედებას ეხება. ტრემულინა აღნიშნავს, რომ მოედანზე ვინიციუსსა და ბელინგემთან კავშირის ნაკლებობა და მბაპეს გადაჭარბებული ინდივიდუალიზმი გასახდელში დაძაბულობას ქმნის:
მოედანზე ჩანს, რომ მას არ აქვს ნამდვილი კავშირი ვინიციუსთან ან ბელინგემთან. მბაპეს ასეთი ინდივიდუალისტური მიდგომა გასახდელში განხეთქილებას იწვევს. ამ რთული სეზონის შემდეგ, კილიანს შესაძლებლობა ექნება თავი რეაბილიტაციით საფრანგეთის ნაკრებში, მსოფლიო ჩემპიონატზე აჩვენოს
ტრემულინა ასევე შეეხო მბაპეს იტალიაში მოკლევადიან ვიზიტს ტრავმის პერიოდში, რაც კლუბის შიგნით უკმაყოფილების ერთ-ერთი მიზეზი გახდა. ყოფილი ფეხბურთელი მიიჩნევს, რომ რეალის ხელმძღვანელობა იძულებული იქნება მკაცრი ზომები მიიღოს და აჩვენოს, რომ არცერთი მოთამაშე არ არის კლუბზე მაღლა.
