მბაპე: "მთავარი განსხვავება პსჟ-სა და რეალს შორის?"

კილიან მბაპემ მადრიდის რეალი და პსჟ შეადარა ერთმანეთს.

ფრანგი თავდამსხმელის აზრით, პსჟ მსოფლიოში ერთ-ერთი საუკეთესოა, რეალი კი - საუკეთესო.

- რაშია რეალსა და პსჟ-ს შორის მთავარი სხვაობა?

„ძალიან განსხვავებული კლუბებია სხვადასხვა ისტორიით. პსჟ გაცილებით ახალგაზრდა კლუბია, რეალი კი ბევრად დიდი ხანია არსებობს და უფრო მდიდარი ისტორიაც აქვს. გარდა ამისა, კულტურაც ძალიან განსხვავებულია.

ეჭვგარეშეა, რეალი მსოფლიოს საუკეთესო კლუბია, თუმცა საუკეთესოების სიაში პსჟ-ც არის. ეს ფეხბურთისადმი ორი სხვადასხვა მიდგომაა და მე ვამაყობ, რომ პარიზის ნაწილიც ვიყავი და ახლა რეალისაც ვარ." - აღნიშნა მბაპემ ოქროს ბუცის მიღების ცერემონიის შემდგომ ინტერვიუში.