ალონსო: "ვინისიუსმა გულწრფელობა აჩვენა, საკითხი დაიხურა"

ვალენსიასთან მატჩის წინა პრესკონფერენციაზე ჩაბი ალონსოს რამდენიმე კითხვა ვინისიუს ჟუნიორზე დაუსვეს.

"ვინის განცხადება? ეს იყო ძალიან მნიშვნელოვანი და დადებითი განცხადება. მან თავისი გულწრფელობა აჩვენა, გულიდან ისაუბრა. ყველაზე მნიშვნელოვანი ისაა, რაც თქვა და მე ძალიან კმაყოფილი დავრჩი. საკითხი ოთხშაბათს დაიხურა.

ვინისიუსის კონტრაქტის განახლება?  ვინი ძალიან კონცენტრირებული და მოტივირებულია. მისი თამაში კლასიკოში მართლაც შესანიშნავი იყო.

ვინის საქმე? ვფიქრობ, უკვე საკმარისი განმარტებები გავეცი. მესმის, რომ თქვენი ყურადღება ამაზეა მიმართული. ეს საკითხი ოთხშაბათს დაიხურა. ჩვენ ძალიან კარგი კვირა გვქონდა. რაც ახლა მაწუხებს, არის ვალენსია. მე გიგებთ, მაგრამ გთხოვთ, თქვენც გამიგოთ.

იყო ვინისიუსის საქმე რთული მოსაგვარებლად? უკვე მეოთხე თუ მეხუთე კითხვაა ამაზე. ვაფასებ ინტერესს, მაგრამ საკითხი დახურულია. ვინი შესანიშნავია და შესანიშნავადაც მუშაობს, გუნდი მშვენიერია. ყველანი ბედნიერები და კონცენტრირებულები ვართ. ეს საკითხი საბოლოოდ ოთხშაბათს დაიხურა." - განაცხადა ესპანელმა სპეციალისტმა.

"ბოდიშს ვუხდი ყველა მადრიდისტას" - ვინისიუსის განცხადება