რეალის თავდამსხმელმა, კილიან მბაპემ, ჩემპიონთა ლიგაზე მონაკოსთან მატჩის წინ გამართულ პრესკონფერენციაზე ვინისიუს ჯუნიორის გარშემო შექმნილ ვითარებაზე ისაუბრა.
ლევანტესთან (2:0) მატჩში მადრიდული კლუბის გულშემატკივრები ბრაზილიელ ფეხბურთელს მთელი მატჩის განმავლობაში უსტვენდნენ.
„თუ გულშემატკივრები სტვენას გადაწყვეტენ, მაშინ ყველა ფეხბურთელს უნდა დაუსტვინონ. ერთის გამორჩევა არ შეიძლება — ეს არის ის, რაც ძალიან არ მომწონს.
ჩვენ, როგორც გუნდი, ცუდად ვთამაშობთ, მაგრამ საკმარისი ხასიათი გვაქვს, რომ სიტუაცია შევცვალოთ. არ ვფიქრობ, რომ რეალის გულშემატკივრები ჩვენს წინააღმდეგ არიან. ისინი გაბრაზებულები არიან, თუმცა დარწმუნებული ვარ, რომ საბოლოოდ მაინც მხარს დაგვიჭერენ.
ეს ვინისიუსის ბრალი არ არის. ეს მთელი გუნდის ბრალია. სწორედ ეს მინდოდა მეთქვა გულშემატკივრებისთვის — თუ სტვენაა, მაშინ მხოლოდ მთელი გუნდის მიმართ.
ეს სიტუაცია უნდა მივიღოთ, ეს ჩვენი სამუშაოა. მაგრამ არ შეიძლება მხოლოდ რამდენიმე ფეხბურთელის გამოყოფა და თქმა, რომ ყველაფერი მათი ბრალია. პასუხისმგებლობა ყველას გვეკისრება. რეალში ასეც ხდება და მხოლოდ ჩვენი შესაცვლელია“, — განაცხადა კილიან მბაპემ.
