მძიმე დარტყმა გოლდენ სტეიტს - ბატლერისთვის სეზონი დასრულდა

ESPN-ის ჟურნალისტის, შამს ჩარანიას ინფორმაციით, გოლდენ სტეიტ უორიორსის მოთამაშე ჯიმი ბატლერმა მაიამი ჰიტთან 135-112 მოგებულ მატჩში, მარჯვენა მუხლის წინა ჯვარედინი იოგი (ACL) გაიწყვიტა და სეზონი ნაადრევად დაასრულა.

ბატლერმა ტრავმა მესამე პერიოდის ბოლოსკენ მიიღო. მან პასის დასაჭერად საჯარიმო ზონაში ნახტომი შეასრულა და მაიამი ჰიტის გამთამაშებელ დევიონ მიტჩელს შეეჯახა. დაშვებისას მისი მარჯვენა მუხლი აშკარად გადატრიალდა, რის შემდეგაც ტკივილისგან მოედანზე დაეცა.

ბატლერი რამდენიმე წუთის განმავლობაში იწვა პარკეტზე. საბოლოოდ, ის წამოაყენეს და ნელა გააცილეს გასახდელისკენ, თან მსაჯებთან ხუმრობდა, რომ ორი საჯარიმო სროლა ეკუთვნოდა.

ბატლერმა მარჯვენა მუხლზე MRI გამოკვლევა გაიკეთა, რომელმაც ACL-ის გაწყვეტა დაადასტურა.

კარგ ფორმაში მყოფმა უორიორსმამა (25-19) ბოლო 16 მატჩიდან 12 მოიგო და ნაწილობრივ ბატლერის თამაშის წყალობით სატურნირო ცხრილში წინსვლა დაიწყო.

36 წლის ბატლერი იანვარში საშუალოდ 21.3 ქულას აგროვებდა 53%-იანი სიზუსტით. ტრავმამდე მან ყოფილი გუნდის წინააღმდეგ 21 წუთში 17 ქულა ჩააგდო.