მონაკოს იაპონელმა მოთამაშემ, ტაკუმი მინამინომ მძიმე ტრავმა მიიღო.
"საფრანგეთის თასის 32-ე ტურის მატჩში, რომელიც ოსერში გაიმართა, ჩვენს ნახევარმცველს, ტაკუმი მინამინოს, მარცხენა მუხლი დაუზიანდა.
სამედიცინო გამოკვლევებმა აჩვენა წინა ჯვარედინი იოგის გაწყვეტა. ტაკუმი გამოჯანმრთელების პროცესში მთელი კლუბის მხარდაჭერას იგრძნობს." - წერია მონაკოს განცხადებაში.
მინამინოსთვის ეს ტრავმა კიდევ უფრო მძიმე იმის გამოა, რომ დიდი ალბათობით, ის ზაფხულში გასამართ მსოფლიო ჩემპიონატს გამოტოვებს.
ტაკუმის დანაკლისი მნიშვნელოვანი იქნება იაპონიის ნაკრებისთვისაც, რომლის ერთ-ერთი ლიდერიცაა მინამინო.
![მბაპე ყოფილ გუნდთან იწყებს - რეალი vs მონაკო [სასტარტო შემადგენლობები]](/_next/image?url=https%3A%2F%2Farena-next-prod-s3public-hkdwvema.s3.eu-central-1.amazonaws.com%2F32a6a6f1-bd50-411b-9551-9bed96172783&w=3840&q=75)
