პარიზის 2024 წლის პარალიმპიადაზე საქართველოს დელეგაციამ მე-3 მედალი მოიპოვა. პარამოფარიკავე ნინო თიბილაშვილი ბრინჯაოს პრიზიორი გახდა.
მე-3 ადგილისთვის ბრძოლაში ქართველმა ფრანგი ბრიანა ვიდე 15-11 დაამარცხა.
პირველ შეხვედრაში ნინომ სამხრეთ კორეელ კიონ ჰიო კვონს სძლია დამაჯერებლად 15-5. 1/4 ფინალურ ეტაპზე თიბილაშვილი ჰონგ კონგელ ჩუი იუს დაუპირისპირდა და მეტოქე მარტივად 15-4 დაამარცხა.
1/2 ფინალში ქართველი პარამოფარიკავე ჩინელ ჰაიან გუსთან 15-6 დამარცხდა და რეპეშაჟში გადაინაცვლა, სადაც უკრაინელ ნატალია მორკვიჩს ბრძოლაში 15-14 სძლია.
ნინო თიბილაშვილმა კარიერაში მე-2 ოლიმპიური მედალი მოიპოვა. ის ტოკიოში ვერცხლისმედალოსანი გახდა.
საქართველოს დელეგაციას პარიზის პარალიმპიადაზე უკვე 3 მედალი აქვს. ანა ჯაფარიძემ პარატაეკვანდოში ბრინჯაოს მედალი მოიპოვა, ბირთვის კვრაში კი პარამძლეოსანი გიგა ოჩხიკიძე პარალიმპიური ჩემპიონი გახდა.
