2026 წლის მსოფლიო ჩემპიონატის საკონტინენტთაშორისო საკვალიფიკაციო ეტაპზე ნახევარფინალური მატჩები გაიმართა, რომელთაც მექსიკამ უმასპინძლა.
პირველ შეხვედრაში ერთმანეთს ახალი კალედონიისა და იამაიკის ნაკრებები დაუპირისპირდნენ. მატჩის ბედი ერთადერთმა გოლმა გადაწყვიტა, რომელიც მე-18 წუთზე ბეილი კადამარტერიმ გაიტანა და იამაიკას გამარჯვება მოუტანა.
მეორე შეხვედრაში კი ბოლივიისა და სურინამის დაპირისპირება შედგა. პირველი ტაიმი უგოლოდ დასრულდა, მეორე ტაიმში კი სურინამელები ლიამ ვან გელდერენის გოლით დაწინაურდნენ.
ჩამორჩენის მიუხედავად ბოლივიელებმა თამაშში დაბრუნება შეძლეს. 72-ე წუთზე ჯერ მოიზეს პანიაგუამ, ხოლო 79-ე წუთზე მიგელიტომ მოახერხეს გოლების გატანა და ბოლივიამ 2-1 იმარჯვა.
მსოფლიო ჩემპიონატის შესარჩევი ეტაპის გადამწყვეტ მატჩში იამაიკა კონგოს დემოკრატიულ რესპუბლიკას შეხვდება, ბოლივია კი ერაყთან შეეცდება მუნდიალის საგზურის მოპოვებას.
ფინალური მატჩები პირველ აპრილს გაიმართება.
ბრძოლა გრძელდება - მუნდიალის შესარჩევი ეტაპის ფინალური წყვილები გაირკვა
