მერსედესის დუბლი - ავსტრალიაში სეზონის პირველი რბოლა შედგა

ფორმულა 1-ში 2026 წლის სეზონის პირველი რბოლა გაიმართა.

ავსტრალიის გრან პრის კვალიფიკაციამ მერსედესის დომინაციით ჩაიარა, თუმცა რბოლის სტარტი ფერარის უკეთესი ჰქონდა.

პირველ წრეებზე შარლ ლეკლერი და ჯორჯ რასელი ლიდერობისთვის იბრძოდნენ და პოზიციებიც არაერთხელ გაცვალეს, თუმცა უსაფრთხოების მანქანის ტრასაზე გამოსვლამ ფერარის პიტსტოპების სტრატეგია არია, რითაც მერსედესმა ისარგებლა და გარდამტეხი უპირატესობაც ამით მოიპოვა.

ავსტრალიის გრან პრი მერსედესის დუბლით დასრულდა. სეზონის პირველი რბოლა ჯორჯ რასელმა მოიგო, მე-2 ადგილზე კიმი ანტონელი გავიდა, პოდიუმი კი ფერარის მონეგასკმა პილოტმა დააკომპლექტა.

ავსტრალიაში ქულები ასე განაწილდა:

1. ჯორჯ რასელი (მერსედესი) - 25 ქულა

2. კიმი ანტონელი (მერსედესი) - 18 ქულა

3. შარლ ლეკლერი (ფერარი) - 15 ქულა

4. ლუის ჰამილტონი (ფერარი) - 12 ქულა

5. ლანდო ნორისი (მაკლარენი) - 10 ქულა

6. მაქს ვერსტაპენი (რედ ბული) - 8 ქულა

7. ოლი ბერმანი (ჰაასი) - 6 ქულა

8. არვიდ ლინდბლადი (რეისინგ ბულსი) - 4 ქულა

9. გაბრიელ ბორტოლეტო (აუდი) - 2 ქულა

10. პიერ გასლი (ალპინი) - 1 ქულა

დღის მბრბოლელად მაქს ვერსტაპენი დასახელდა, რომელმაც რბოლა მე-20 ადგილიდან დაიწყო და მე-6 პოზიციაზე დაასრულა.

სეზონის მე-2 გრან პრი ჩინეთში, შანხაის საერთაშორისო ტრასაზე, 13-15 მარტს გაიმართება.