ლეო მესიმ კრიშტიანუ რონალდუზე ისაუბრა.
„უდიდეს პატივისცემას და აღტაცებას ვგრძნობ კრიშტიანუს მიმართ - მთელი მისი კარიერის და იმ ყველაფრის გამო, რასაც მან მიაღწია და აგრძელებს მიღწევას. ის დღემდე ყველაზე მაღალ დონეზე ასპარეზობს.
ჩვენი მეტოქეობა მხოლოდ მოედნით შემოიფარგლებოდა. თითოეულ ჩვენგანს საკუთარი გუნდისთვის მაქსიმალურად დიდი სარგებლის მოტანა სურდა. თუმცა, ყველაფერი თამაშის ფარგლებში რჩებოდა და ეს ასეც უნდა იყოს.
მოედნის მიღმა ჩვეულებრივი ადამიანები ვართ. რა თქმა უნდა, მეგობრები არ ვართ, რადგან დროს ერთად არ ვატარებთ, მაგრამ ერთმანეთისადმი სულ პატივისცემით ვიყავით განწყობილი." - აღნიშნა ლეო მესიმ ინტერვიუში.
