კოპა ამერიკა 2024-ს 1/2 ფინალში კანადის დამარცხების (2:0) შემდეგ, ლეო მესიმ აღნიშნა, რომ კარიერის ბოლო ეტაპზე იმყოფება.
„რა თქმა უნდა ვიცი, რომ ეს ჩემი ბოლო ბრძოლები და უკანასკნელი მატჩებია, ამიტომ, ვცდილობ სიამოვნება იმდენად მივიღო, რამდენადაც ეს შესაძლებელია.
ფინალში მოხვედრა ადვილი არ ყოფილა. ყველა მომენტით და მიღწევით უნდა ვისიამოვნოთ. ის, რაც არგენტინის ნაკრებმა გააკეთა და აგრძელებს კეთებას - არარეალურია. გასაოცარია, რომ ნაკრები და მისი ძველი გვარდია მორიგ ფინალამდე მივიდა.
მიმდინარე კოპა ამერიკა ძალიან რთული გამოვიდა: დიდი კონკურენცია, ცუდი მოედნები, ანომალური სიცხე."- ციტირებს მესის სიტყვებს ESPN.
ცნობისთვის, კანადის კარში მესიმ მიმდინარე კოპა ამერიკაზე თავისი პირველი გოლი გაიტანა, ყველა დროის საუკეთესო სანაკრებო ბომბარდირთა დავაში ირანელ ალი დაეის გადაასწრო და სუფთა მეორე ადგილზე გადავიდა.
