ჩიკაგო ფაიერის 20 წლის მცველმა, მბეკეზელი მბოკაზიმ, ამერიკაში სადებიუტო სეზონშივე ნამდვილი ფურორი მოახდინა - მან MLS-ის ყველა ვარსკვლავის მატჩის გამოკითხვაში ლიონელ მესიზე მეტი ხმა დააგროვა.
სამხრეთ აფრიკული ფეხბურთის ლეგენდამ, ხუმალომ, GOAL-თან ექსკლუზიურ ინტერვიუში ახალგაზრდა ტალანტის ფენომენალურ პროგრესზე ისაუბრა.
30 წლის შემდეგ გამეორებული ისტორია
მბოკაზი გახდა პირველი სამხრეთაფრიკელი ბოლო 30 წლის განმავლობაში, ვინც ამერიკული ლიგის სიმბოლურ გუნდში მოხვდა. ბოლოს ეს სწორედ ხუმალომ შეძლო 1996 წელს.
ხუმალომ აღნიშნა, რომ დღეს ამერიკული ლიგა უმაღლესი დონის ბრენდია, რომელიც პრადასავით იზიდავს ისეთ ვარსკვლავებს, როგორებიც მესი, ჰინ მინ სონი და თომას მიულერი არიან. ასეთ გარემოში 20 წლის ასაკში საუკეთესოებს შორის მოხვედრა, მხოლოდ სტატისტიკის დამსახურება არ არის, ეს მოედანზე მისი იდეალური ქცევისა და დისციპლინის შედეგია.
მბოკაზიმ კარიერა სამშობლოში, ორლანდო პაირატსში დაიწყო, 2025 წლის დეკემბერში კი ჩიკაგოსთან 4-წლიანი კონტრაქტი გააფორმა. ხუმალოს თქმით, მას ტელებეს ეძახიან, რადგან ფიზიკურად სრულად ჩამოყალიბებულია, მოედანზე აგრესიული, მებრძოლი ხასიათით გამოირჩევა და ავტორიტეტებს არ აღიარებს.
მუნდიალის გადამწყვეტი ბრძოლა
ახალგაზრდა მცველი ამჟამად სამხრეთ აფრიკის ნაკრებთან ერთად 2026 წლის მსოფლიო ჩემპიონატზე ასპარეზობს. მექსიკასთან სასტარტო მარცხისა და ჩეხეთთან მძიმე ფრის შემდეგ, გუნდს პლეი-ოფში გასასვლელად ოთხშაბათს, სამხრეთ კორეის წინააღმდეგ მხოლოდ გამარჯვება სჭირდება.
