ინგლისის ნაკრების თავდამსხმელმა, ოლი უოტკინსმა, მტკიცედ დაუჭირა მხარი ბელგიის ნაკრების შემტევ ჯერემი დოკუს სურვილს, დროებით დაბრუნდეს სახლში და მეუღლე შირინს მათი პირველი შვილის დაბადების დროს გვერდში დაუდგეს. ბავშვი ივლისის პირველ ორ კვირაში უნდა დაიბადოს.
დოკუს გადაწყვეტილებას გარკვეული კრიტიკა მოჰყვა, მათ შორის ფრანგი ტელეწამყვანის მხრიდან, რომელმაც განაცხადა, რომ „ეს აღმაშფოთებელია“, რადგან მსოფლიო ჩემპიონატზე ყოფნა ყველაფერზე მნიშვნელოვანი უნდა იყოს და მამა მშობიარობის დროს „სრულიად უსარგებლოა“. მოგვიანებით მან ბოდიში მოიხადა.
„ვიღაცამ ამას „ამაზრზენი“ უწოდა. უპირველეს ყოვლისა, დაბადებას ასე არ უნდა ახასიათებდე.
მე 2 შვილი მყავს. საკუთარი თვალით ვნახე, რისi გავლა მოუწია ჩემს მეუღლეს მშობიარობის დროს და ამან შედარებით მშვიდად ჩაიარა.
ვიცი ოჯახის წევრები და მეგობრები, რომლებსაც ასე არ გაუმართლათ. პირველი შვილის ამ ქვეყნად მოვლენა უდიდესი მადლია.
სეზონის განმავლობაში ხშირად გვიწევს ოჯახისგან და მეგობრებისგან შორს ყოფნა და ეს ძალიან რთული პერიოდებია.
ამიტომ ასეთი მომენტის გამოტოვება ძალიან მძიმე იქნებოდა. მესმის, რატომ ფიქრობს ასე (დოკუ).
მას სრული უფლება აქვს დაბრუნდეს და მეუღლის გვერდით იყოს.
საბოლოოდ, ჩვენ ძალიან პრივილეგირებული ადამიანები ვართ და დარწმუნებული ვარ, მას ყველანაირ მხარდაჭერას გაუწევენ, რათა რაც შეიძლება სწრაფად ჩავიდეს, მეუღლეს მხარი დაუჭიროს და შემდეგ გუნდს კვლავ შეუერთდეს.
არ მგონია, ვინმეს საქმე იყოს, რას აკეთებს ის ვარჯიშის შემდეგ. თუ დაბრუნდება და ამას გააკეთებს, ჩემი აზრით, ეს სრულიად სამართლიანია.
მეც ასე მოვიქცეოდი. 2 შვილი მყავს და საერთოდ ვერ ვხედავ, რა პრობლემაა ამაში.“ - თქვა უოტკინსმა.
დოკუს არჩევანი: ოჯახი თუ მსოფლიო ჩემპიონატი?
