მილანის ფრანგი შემტევი, კრისტოფერ ნკუნკუ კლუბის დატოვებასთან ახლოსაა. იტალიურ გრანდში მისი კარიერა ისეთი არ აღმოჩნდა, როგორსაც მოელოდნენ, ახლა კი ფეხბურთელი გზაჯვარედინზეა.
წინასწარი შეთანხმება ლაიფციგთან
Foot Mercato-ს ცნობით, მილანმა ნკუნკუს ყოფილ კლუბთან, ლაიფციგთან წინასწარ შეთანხმებას უკვე მიაღწია. შეთანხმების თანახმად, ფრანგი ფეხბურთელი გერმანიაში იჯარით (3 მილიონი ევროს სანაცვლოდ) გაემგზავრება, რასაც შემდგომში მისი 27 მილიონ ევროდ გამოსყიდვის ოფციაც დაემატება. თუმცა, გარიგება ჯერ არ დასრულებულა, რადგან ლაიფციგს ფეხბურთელთან პირადი დეტალები აქვს შესათანხმებელი.
ნიუკასლის ალტერნატივა
პარალელურად, სიტუაციას აქტიურად აკვირდება ინგლისური ნიუკასლი. პრემიერ ლიგის წარმომადგენლები მილანთან და ფეხბურთელის აგენტებთან მოლაპარაკებებს მართავენ. ნიუკასლის უპირატესობა ისაა, რომ ისინი მილანს იჯარის ნაცვლად პირდაპირ სრულფასოვან ტრანსფერს სთავაზობენ, რაც იტალიური კლუბისთვის შესაძლოა გაცილებით მისაღები ვარიანტი აღმოჩნდეს.
