მიქაუტაძემ გაიტანა - ლიონი შემდეგ ეტაპზეა

საფრანგეთის თასის 1/32 ფინალში ლიონი რანგით მე-4 დივიზიონის გუნდ ფეინის ეწვია.

სათადარიგო სკამზე იყო გიორგი მიქაუტაძე, რომელიც თამაშში 67-ე წუთზე ალექსანდერ ლაკაზეტის ნაცვლად ჩაერთო.

პირველი ტაიმი სტუმართა გამარჯვებით 0-1 დასრულდა. გოლი 44-ე წუთზე საიდ ბენრაჰმამ გაიტანა.

88-ე წუთზე კი შეცვლაზე შემოსულმა მიქაუტაძემ სწორედ ბენრაჰმას პასის შემდეგ გამოიჩინა თავი და თავისი გუნდის სხვაობა ორ ბურთამდე გაზარდა.

94-ე წუთზე მასპინძლებმა ერთი ბურთი გაქვითეს, თუმცა ეს საკმარისი არ აღმოჩნდა თამაშში დასაბრუნებლად.

ლიონი საფრანგეთის თასის 1/16 ფინალში გავიდა, მიქაუტაძემ კი წელი გოლით დაასრულა.