მონტენეგროს ნაკრების მეკარე გარდაიცვალა

სამწუხარო ინფორმაცია გავრცელდა საფეხბურთო სამყაროში.

26 წლის ასაკში მონტენეგროს ნაკრებისა და მილუოლის მეკარე მატია შარკიჩი გარდაიცვალა.

შარკიჩი სანაკრებო პაუზის შემდეგ სამშობლოში იმყოფებოდა, ის საკუთარ სახლში ცუდად გახდა, მისი გადარჩენა კი ვერ მოახერხეს.

მატიას საქართველოს ნაკრებთან არ უთამაშია, თუმცა ბელგიასთან მატჩში იცავდა მონტენეგროს კარს და გამორჩეული თამაშიც ჰქონდა. მან ეროვნულ გუნდში 9 თამაშის ჩატარება მოასწრო.

შარკიჩი მილუოლში 2023 წელს ვულვზიდან გადავიდა და სეზონში 33 მატჩი ჩაატარა, სხვადასხვა დროს ის ასტონ ვილას, უიგანის, ბირმინგემისა და სტოკის წევრიც იყო.