მოურინიოს მასტერკლასი, რომელმაც ვინისიუსი ტრიბუნებს შეარიგა

მადრიდის რეალში ვინისიუს ჟუნიორისთვის სრულიად ახალი ეტაპი დაიწყო.

ბრაზილიელმა შემტევმა კლუბთან მომავალი გაარკვია, ახალი კონტრაქტი 2032 წლამდე გააფორმა და გუნდში შეცვლილ როლსაც მოერგო.

ესპანური გამოცემა AS-ის ცნობით, ვინისიუსისთვის ეს რეალის მაისურით მეცხრე სეზონია, თუმცა მისი სტატუსი შეიცვალა. ჟოზე მოურინიოს გუნდში მთავარი ფიგურები ახლა კილიან მბაპე და ჯუდ ბელინგემი არიან, რაც ბრაზილიელმა ვარსკვლავმა კონტრაქტის გახანგრძლივების შემდეგ უპრობლემოდ მიიღო.

სტვენა და დაბრუნებული სიყვარული

ბოლო თვეებში ფეხბურთელის ფორმის ვარდნამ და მისი მომავლის ირგვლივ არსებულმა გაურკვევლობამ გულშემატკივრებში გარკვეული უკმაყოფილება გამოიწვია. რეალ სოსიედადთან მატჩის დასაწყისში ტრიბუნებიდან სტვენაც ისმოდა, თუმცა ვინისიუსმა სიტუაცია მალევე შემოატრიალა. მან ჯერ გოლი გაიტანა, შემდეგ კი საგოლე გადაცემა მიითვალა და ბერნაბეუს ტრიბუნების სტვენა აპლოდისმენტებად აქცია.

მოურინიოს ტაქტიკური ჩარევა

გოლის შემდეგ ჟოზე მოურინიომ ბრაზილიელი მაშინვე შეცვალა, რათა მას სანტიაგო ბერნაბეუსგან სრული მხარდაჭერა და ოვაციები მიეღო. მატჩის შემდეგ პორტუგალიელმა სპეციალისტმა ეს გადაწყვეტილება ასე ახსნა:

ჩავთვალე, რომ გოლის შემდეგ მისი შეცვლა საუკეთესო ვარიანტი იყო. ეს მას საშუალებას მისცემდა, მოედანი პოზიტიური განწყობით დაეტოვებინა და გულშემატკივრების სიყვარული სრულად ეგრძნო

მოურინიომ კარგად იცის, რომ ფორმაში მყოფი და ფსიქოლოგიურად მშვიდი ვინისიუსი რეალის ახალი პროექტისთვის სასიცოცხლოდ მნიშვნელოვანია. თავად ფეხბურთელიც მზადაა, წარსულში არსებული კრიტიკა უკან მოიტოვოს და გუნდის წარმატებაში თავისი წვლილი შეიტანოს.