ისლამ მახაჩევმა განაცხადა, რომ თეთრ სახლში დაგეგმილ ღონისძიებაზე ილია თოფურიასთან ბრძოლისთვის მზად არის.
„მომწონს ეს იდეა, თუ UFC-ს სურს… ვიცი, რომ MMA-ის ბევრ გულშემატკივარს უნდა ეს ბრძოლა და მე მზად ვარ. თეთრი სახლი ერთ-ერთი არენაა, სადაც შესაძლოა ჩემი შემდეგი ბრძოლა გაიმართოს.
რამადანის შემდეგ ნელ-ნელა დავიწყებ მოსამზადებელ შეკრებას და მზად ვიქნები თეთრი სახლისთვის ან ნებისმიერი სხვა თარიღისთვის. მზად ვიქნები.“ - განაცხადა მახაჩევმა.
UFC-ის პრეზიდენტმა, დანა უაითმა განაცხადა, რომ ორგანიზაციამ უკვე დაიწყო თეთრი სახლის ღონისძიებისთვის ბრძოლების შეთანხმება და შესაძლოა ყველაფერი შაბათ-კვირისთვის დასრულდეს.
შეგახსენებთ, რომ ოქტაგონზე დაბრუნებაზე ილია თოფურიამაც განაცხადა და ქართველი ჩემპიონი შემდეგი ბრძოლისთვის უკვე სრული კონცენტრაციით ვარჯიშობს.
