სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
4 თვის წინ · 0 წთ წასაკითხად
-
Aa
+
ფონტის ზომა
გერმანიის ნაკრების მთავარმა მწვრთნელმა იულიან ნაგელსმანმა ევროპის ჩემპიონატის გახსნითი მატჩის წინ პრესასთან ისაუბრა.
ევრო 2024 იწყება - მასპინძლები ტურნირის ღირსეულად გასახსნელად ემზადებიან
"ჩვენი ყველა მოთამაშე ჯანმრთელია - პავლოვიჩის გარდა. მას სერიოზული პრობლემა აქვს და მალე დაბრუნებას ვერ შეძლებს. კომპლიმენტები სამედიცინო გუნდს. ჩვენ მზად ვართ და თამაშს ველოდებით."
"ლეონ გორეცკა? არ არის იმ მოთამაშეებზე საუბრის დრო, ვინც აქ არ არის. ჩვენ ემრე ჯანი ავირჩიეთ. როკო რაიცმა კარგად ივარჯიშა, მაგრამ მას პირველ სანაკრებო მატჩს ევროპის ჩემპიონატზე ვერ ჩავატარებინებდით, ეს მის დასაცავად გავაკეთეთ. ემრე ძალიან სწრაფია და ძლიერი ჰაერში, ჯგუფშიც კარგად მიღებული ადამიანია. მან კარგი შთაბეჭდილება დატოვა. არ არის ადვილი შვებულებიდან ასე დაბრუნება."
"კროოსი ჩვენთვის მნიშვნელოვანია, შეგიძლია მას ბურთი ნებისმიერ დროს მისცე. ის მნიშვნელოვანი მოთამაშეა ყველასთვის, განსაკუთრებით ახალგაზრდებისთვის. მის დარწმუნებაში დრო დამჭირდა. მან თქვა, რომ მხოლოდ იმ შემთხვევაში დაბრუნდებოდა, თუ იგრძნობდა, რომ გუნდთან ერთად გამარჯვება შეეძლო და ბოლოს დაბრუნება გადაწყვიტა."
"როცა მოთამაშეებს თვალებში ვუყურებ, ვხედავ, რომ მათ პირველ მატჩში სახლში გამარჯვება სურთ. ამას მოუთმენლად ველი. ძალიან კარგი შეგრძნებაა, თუმცა ცოტათი ვნერვიულობ. ეს დიდი ტურნირია. განსაკუთრებული მომენტია, როცა შეგიძლია შენი ქვეყნის გუნდს გაუძღვე. შოტლანდია ძალიან კარგი გუნდია. ისინი ბევრს აწვდიან და ძალიან საშიშნი არიან. მათი მოთამაშეები ყველაფერს აკეთებენ და თავს არ ზოგავენ, ეს შოტლანდიური მენტალიტეტია."
"მინდა, რომ ყველაფერი გავაკეთოთ კარგი ტურნირის ჩასატარებლად. მინდა, რომ ქვეყანა ამაში დაგვეხმაროს. გულშემატკივრებს ვთხოვ სტადიონზე ხმამაღალნი იყვნენ. დარწმუნებული ვარ, კარგი თამაში გვექნება."
"წინა ტურნირებზე ჩავარდნა? წარსულზე საუბარი არ მსურს. გვინდა, რომ უფრო წარმატებული ვიყოთ, ვიდრე ბოლო ჯერზე. მნიშვნელოვანია, ტურნირის კარგად დაწყება. ახლა აზრი არ აქვს, წარსულზე საუბარს."
"მე და ნოიერმა ვიცით, როგორ მუშაობს მედია. ყველა თავის საქმეს აკეთებს. სიტუაცია ჩემი განცხადების შემდეგ ჩაწყნარდა (ნოიერი N1 მეკარე იქნება). არ ვარ დაინტერესებული, რას საუბრობთ ჩემს მოთამაშეებზე. მე მანუს ვენდობი, ის კარგ ტურნირს ჩაატარებს."
"ყველა მოთამაშემ იცის თავისი როლი. თერთმეტეული გონებაში უკვე გვაქვს. თუ ვინმე კარგად ვერ ითამაშებს, გვყავს ფეხბურთელები, რომელთაც წნეხი შეუძლიათ. გვინდა მოთამაშეებს ფსიქოლოგიური დაცულობა შევუქმნათ. ყველა მოთამაშე გუნდში მაქსიმუმს გაიღებს."
"ლეროი სანეს ტკივილი არ აწუხებს და სათამაშოდ 100%-ით მზად არის."
გიუნდოგანი: "გვინდა, გერმანელმა ხალხმა ჩვენით იამაყოს"
დღეს ევრო 2024-ის გახსნით მატჩში მასპინძელი გერმანიის ნაკრები შოტლანდიას დაუპირისპირდება. მატჩი 23:00-ზე დაიწყება.
თ
თაზო ჩარკვიანი
კომენტარები