ნიგერია მსოფლიოზე არ იქნება - პლეიოფში კონგოს დემოკრატიული რესპუბლიკა გავიდა

აფრიკაში 2026 წლის მსოფლიო ჩემპიონატის საკვალიფიკაციო ეტაპის პლეიოფის ფინალი ჩატარდა.

კონტინენტის გადამწყვეტ მატჩში ერთმანეთს ნიგერია და კონგოს დემოკრატიული რესპუბლიკა დაუპირისპირდნენ.

მატჩის ძირითადი დრო 1-1 დასრულდა, გამარჯვებული ვერც დამატებით ტაიმებში გაირკვა და საქმე პენალტების სერიამდე მივიდა.

თერთმეტმეტრიანებში კონგოელებმა 3-4 მოიგეს და პლეიოფის გამარჯვებულები გახდნენ.

შედეგად კონგოს დემოკრატიული რესპუბლიკა მუნდიალის საკონტინენტთაშორისო პლეიოფში ითამაშებს, რომელიც 2026 წლის მარტში გაიმართება. ისინი შეეცდებიან 1974 წლის შემდეგ პირველად გავიდნენ მსოფლიო ჩემპიონატზე.

კამერუნის შემდეგ კი უკვე ნიგერიაც დაემშვიდობა მომავალი წლის მუნდიალზე ოცნებას და ეს 2 აფრიკული გრანდი მსოფლიო ჩემპიონატზე არ იქნება.