VIDEO: 50-წლიანი შანსი - მაროკომ ნიგერიას პენალტებით მოუგო და ფინალში სენეგალს შეხვდება

მაროკოს ნაკრებმა აფრიკის თასის ფინალში თამაშის უფლება ისტორიაში მესამედ მოიპოვა - 1/2 ფინალი ნიგერიის ნაკრებს პენალტებით მოუგეს.

შეხვედრის ძირითადი და დამატებითი დრო 0:0 დასრულდა, თერთმეტმეტრიანებში კი მასპინძლები უკეთესები იყვნენ და 4:2 გაიმარჯვეს. იასინ ბონომ 2 პენალტი მოიგერია.

მსოფლიო ჩემპიონატის მოქმედი მე-4 ადგილოსნები აფრიკის თასის 1976 წლის ჩემპიონები არიან, მას შემდეგ კი ფინალში ერთხელ, 2004 წლის გათამაშებაზე გავიდნენ, როცა ტიტული მასპინძელ ტუნისთან დათმეს.

მასპინძლები ამ ტურნირზე თავად არიან და ფინალში შეხვდებიან სენეგალს, რომელიც, მათ მსგავსად, ერთგზის ჩემპიონია, ოღონდ გაცილებით ახლო წარსულში - 2021 წელს.

თავის მხრივ, სენეგალის ნაკრებმა, 1/2 ფინალში, 7-გზის ჩემპიონ რეკორდსმენ ეგვიპტეს, სადიო მანეს გოლით, 1:0 მოუგო და ფინალში მეოთხედ ითამაშებს.

აფრიკის თასის ფინალური შეხვედრა 18 იანვარს, მაროკოს დედაქალაქ რაბატში, პრინც მოულაი აბდელას სახელობის სტადიონზე ჩატარდება.