VIDEO: მანეს გადამწყვეტი გოლი - სენეგალი აფრიკის თასის ფინალში გავიდა

სენეგალის ნაკრებმა აფრიკის თასის 2025 წლის ფინალში თამაშის უფლება მოიპოვა - 7-გზის ჩემპიონ რეკორდსმენ ეგვიპტეს 1:0 მოუგეს.

მატჩის ერთადერთი გოლი შეაგდო სადიო მანემ, რომელმაც 78-ე წუთზე საჯარიმოს გარედან დაბალი დარტყმით გაიტანა და თავის ქვეყანას აფრიკის თასის ფინალში თამაშის უფლება ისტორიაში მეოთხედ მოუპოვა - 2021 წელს ჩემპიონები გახდნენ, 2-ჯერ ფინალში დამარცხდნენ.

მანემ მიმდინარე ტურნირზე მე-2 გოლი მიითვალა, აქტივში ასევე 3 საგოლე პასიც აქვს.

გამოცდილმა შემტევმა აფრიკის თასის ფინალურ ეტაპზე ჯამში მე-11 გოლი შეაგდო და გაუთანაბრდა დიდიე დროგბას, მოჰამედ სალაჰს, ჰოსამ ჰასანსა და პატრიკ მბომას. რეკორდსმენ სამუელ ეტო'ოს 18 გოლი აქვს.

სენეგალის ნაკრების მეტოქე გაირკვევა მას შემდეგ, რაც 1/2 ფინალურ მატჩს ნიგერიისა და მასპინძელი მაროკოს ნაკრებები ითამაშებენ.

აფრიკის თასის ფინალური შეხვედრა 18 იანვარს, მაროკოს დედაქალაქ რაბატში, პრინც მოულაი აბდელას სახელობის სტადიონზე ჩატარდება.