მანჩესტერ იუნაიტედი ნოტინგემ ფორესტის ნახევარმცველის, ელიოტ ანდერსონის გაფორმების იმედს არ კარგავს, მიუხედავად იმისა, რომ ფავორიტად მანჩესტერ სიტი მიიჩნევა.
ნოტინგემ ფორესტმა სიტის 80-მილიონიანი წინადადება უკვე უარყო, რადგან 23 წლის ინგლისელ ვარსკვლავს 100 მილიონ გირვანქა სტერლინგად აფასებს. იუნაიტედში სჯერათ, რომ ფეხბურთელის ოლდ ტრაფორდზე გადაბირებას მაინც შეძლებენ.
ბრძოლა ანდერსონისთვის და ნოტინგემის პოზიცია
The Guardian-ის ინფორმაციით, ანდერსონი პრემიერლიგის ერთ-ერთი ყველაზე მოთხოვნადი მოთამაშე გახდა. ნოტინგემ ფორესტს ფეხბურთელის გაყიდვის სასწრაფო აუცილებლობა არ აქვს, ამიტომ სრულ 100 მილიონს ითხოვს. იუნაიტედს კი პროგრესის იმედს ის უსახავს, რომ სიტის ტრანსფერი ჯერ კიდევ არ დაუხურავს. ელიოტ ანდერსონი მაიკლ კარიკის განახლებული ნახევარდაცვის მთავარი სამიზნეა.
კაზემიროს შემცვლელი ოლდ ტრაფორდზე
მანჩესტერ იუნაიტედის ასეთი აქტიურობა კაზემიროს წასვლას უკავშირდება. გამოცდილი ბრაზილიელი ამ ზაფხულს კლუბს ტოვებს და მას ამერიკულ ინტერ მაიამის უკავშირებენ. კაზემიროს წასვლა გუნდის ცენტრში დიდ სიცარიელეს ტოვებს, რომლის შევსებასაც ხელმძღვანელობა ახალგაზრდა და ენერგიული კადრებით გეგმავს.
მიუხედავად იმისა, რომ იუნაიტედმა ატალანტას ნახევარმცველის, ედეროსონის ტრანსფერი პრაქტიკულად შეათანხმა, ანდერსონზე უარის თქმას მაინც არ აპირებენ. ფეხბურთელი ამჟამად სრულადაა კონცენტრირებული ინგლისის ნაკრებზე, რომელიც მსოფლიო ჩემპიონატის ჯგუფურ ეტაპზე ხორვატიის, განისა და პანამის წინააღმდეგ ითამაშებს.
