ნოტინგემმა წაუგებელი სერია ასტონ ვილასთან გააგრძელა

უეფას ევროპა ლიგასა და კონფერენს ლიგაზე ნახევარფინალური ეტაპის პირველი მატჩები გაიმართა.

ევროპა ლიგაზე ინგლისური დაპირისპირება შედგა ნოტინგემ ფორესტსა და ასტონ ვილას შორის. შეხვედრის ბედი კი ერთმა გოლმა გადაწყვიტა, რომელიც კრის ვუდმა პენალტის საშუალებით 71-ე წუთზე გაიტანა.

აღსანიშნავია, რომ ფორესტი ბრწყინვალე ფორმაშია და ყველა ტურნირზე უკვე ზედიზედ მე-9 მატჩია არ აგებს. ასევე გუნდს პრემიერ ლიგიდან გავარდნაც აღარ ემუქრება და ევროპა ლიგის ფინალში გასასვლელადაც იბრძვის.

რაც შეეხება მეორე ნახევარფინალურ შეხვედრას, პორტუგალიურმა ბრაგამ ბოლო წუთზე გატანილი გოლით გერმანულ ფრაიბურგს 2-1 მოუგო და საპასუხო თამაშის წინ ასევე მინიმალური უპირატესობა მოიპოვა.

კონფერენს ლიგაზე კი ესპანურმა რაიო ვალეკანომ ფრანგულ სტრასბურგს 1-0 მოუგო, დონეცკის შახტარი კი კრისტალ პალასთან 1-3 დამარცხდა. უკრაინელთა შემადგენლობაში სათადარიგო სკამზე იყო ირაკლი აზაროვი, რომელსაც სათამაშო დრო არ მისცემია.

გუნდებს შორის საპასუხო მატჩები 7 მაისს გაიმართება.