"ნუ გაიმეორებ ჩემს შეცდომას", - ნეიმარის რჩევა ვინისიუსს

ნეიმარმა თანამემამულე ვინისიუს ჯუნიორს მადრიდის რეალში დარჩენა ურჩია.

როგორც იცით, ბრაზილიელ ფეხბურთელს რეალთან კონტრაქტი 2027 წლამდე აქვს გაფორმებული, ახალი ხელშეკრულების გაფორმებაზე კი ვინისიუსი უარს ამბობს, რადგან არც შემოთავაზებული პირობები მოსწონს და არც ჩაბი ალონსოსთან აქვს იდეალური ურთიერთობა.

როგორც ესპანური გამოცემა Ok Diario წერს, ნეიმარმა ვინისიუსს ურჩია, რეალთან კონტრაქტი გაახანგრძლივოს და არ გაიმეოროს მისი შეცდომა, რომელიც მან 2017 წელს ბარსელონადან პსჟ-ში გადასვლით დაუშვა.

ნეიმარმა ვინის შეახსენა, რომ ახალ კლუბში, განურჩევლად ხელფასისა, ის ვერ მიიღებს სტაბილურობას, ისტორიას და თუნდაც იმ პატივისცემას, რომელიც ახლა რეალში აქვს.

თუმცა, ვინისიუსი ასეთი დარწმუნებული არ არის, მას კონტრაქტის გახანგრძლივებისთვის ფულადი ბონუსის მიღება და გუნდის ყველაზე მაღალანაზღაურებად ფეხბურთელად ყოფნა სურს, რასაც რეალი არ უსრულებს.