ოფიციალურად: ლუკა გაგნიძე კარიერას ესპანეთში გააგრძელებს

ლუკა გაგნიძე კარიერას გრანადაში გააგრძელებს.

ესპანურმა კლუბმა და დინამო მოსკოვმა შეთანხმებას მიაღწიეს და ქართველი ნახევარმცველი სეზონის ბოლომდე იჯარის წესით ლა ლიგა 2-ში იასპარეზებს.

2003 წელს დაბადებულ გაგნიძეს საქართველოს ნაკრებში 4 მატჩი აქვს ჩატარებული. ლუკა მოსკოვის დინამოს 2021 წელს შეუერთდა და იჯარის წესით ურალში, პოლონურ რაკოვსა და სამარაში თამაშობდა.

გრანადას მომავალ ზაფხულს გაგნიძის გამოსყიდვის უფლება არ ექნება.

ესპანურმა კლუბმა ლა ლიგა 2-ის ახლად დაწყებულ სეზონში სამივე თამაში წააგო.