ბეტისში წარდგენის დროს, ბრაზილიელმა შემტევმა ანტონიმ, კარიერის მანჩესტერული ეტაპის გახსენებაზე ცრემლები ვერ შეიკავა.
სატრანსფერო ფანჯრის ბოლო დღეს ანტონი მანჩესტერიდან ბეტისში 22+3 მილიონ ევროდ სრულფასოვანი ტრანსფერით გადავიდა.
„სევილია მანჩესტერზე ლამაზია. როგორც იქნა, აქ ვარ. 40 დღეზე მეტი სასტუმროში გავატარე, ძალიან რთული იყო. თუმცა, თავიდანვე ყველამ იცოდა, რომ ბეტისში მინდოდა დაბრუნება. ძალიან რთული იყო, მაგრამ აქ ვარ.
მოუთმენლად ველოდები ბეტისის ფორმის კიდევ ერთხელ მორგებას. მხოლოდ მადლობის თქმა შემიძლია ყველასთვის, ვინც ეს ტრანსფერი შესაძლებელი გახადა.
სიყვარული ახლა ჩემთვის ძალიან მნიშვნელოვანია, ფულით მას ვერ იყიდი. ბოლო დღემდე ველოდი ბეტისში დაბრუნებას. ამ ქალაქში და კლუბში, რომელიც ძალიან მიყვარს, თავს უბედნიერესად ვგრძნობ.
მარტო ჩემმა ოჯახმა იცის, როგორ მიჭირდა მანჩესტერში. განცალკევებით ვვარჯიშობდი. თუმცა ვიცოდი, რომ ეს დაუვიწყარი მომენტი მიახლოვდებოდა. რა თქმა უნდა, მეშინოდა, ყველაფერი არ ჩაშლილიყო, თუმცა ბოლომდე ველოდი, იმიტომ რომ მჯეროდა." - აღნიშნა ანტონიმ და იუნაიტედური პერიოდის გახსენებისას, იტირა.
