ოფიციალურად: ლუკა მოდრიჩი რეალში რჩება

მადრიდის რეალმა ლუკა მოდრიჩთან კონტრაქტის 2025 წლის 30 ივნისამდე გახანგრძლივება ოფიციალურად დაადასტურა.

38 წლის ხორვატი ფეხბურთელი მომავალი სეზონიდან მადრიდის რეალის პირველი კაპიტანი იქნება, რადგან გუნდი ნაჩომ დატოვა.

მოდრიჩი რეალში თავის მე-13 სეზონს დაიწყებს ესპანეთის დედაქალაქში და 26 ტიტულით ის უკვე არის რეალის ყველა დროის ყველაზე ტიტულოვანი ფეხბურთელი დანი კარვახალთნა ერთად.

მოდრიჩმა რეალის მაისურით ამ დრომდე 534 მატჩში მიიღო მონაწილეობა და 39 გოლის გატანა მოახერხა.

რეალის მაისურით მან 6 ჩემპიონთა ლიგის, 5 მსოფლიო საკლუბო ჩემპიონატის, 4 ევროპის სუპერთასის, 4 ლა ლიგის, 2 კოპა დელ რეის და 5 ესპანეთის სუპერთასის მოგება მოახერხა.