ლილის ფრანგი მეკარე ლუკას შევალიე პსჟ-ში ითამაშებს.
პარიზულმა კლუბმა ფეხბურთელის ტრანსფერი ოფიციალურად დაადასტურა.
ლილი 23 წლის გოლკიპერის სანაცვლოდ 40 მილიონ ევროს მიიღებს, კიდევ 15 მილიონი კი ბონუსებით იქნება გათვალისწინებული.
თავად შევალიე პარი სენ-ჟერმენთან 5-წლიან კონტრაქტს გააფორმებს.
„მე ვარ ის ბავშვი, რომელმაც ოცნება აიხდინა. პატარაობიდან უმაღლეს დონეზე თამაშზე ვოცნებობდი." - აღნიშნა ფეხბურთელმა ტრანსფერის დადასტურების შემდეგ.
შევალიეს მოსვლა დონარუმას მომავალს კიდევ უფრო ბურუსით მოცულს ხდის - იტალიელს კლუბთან კონტრაქტი გაისად ეწურება და როგორც ჩანს, პსჟ მისთვის ახალი კონტრაქტის შეთავაზებას აღარ აპირებს. ჯიჯიო ან წელსვე გაიყიდება, ან გაისად კლუბს უფასოდ დატოვებს.
