არაუხოს დეპრესიის გამო, ბარსამ შესაძლოა ახალი მცველი დაიმატოს

ბარსელონამ შესაძლოა იანვარში ცენტრალური მცველი დაიმატოს.

Marca-ს ინფორმაციით, ეს იმ შემთხვევაში მოხდება, თუ არაუხო ფსიქოლოგიური პრობლემებისგან არ გათავისუფლდება.

ურუგვაელი თავის სტრესზე ჯერ კიდევ ჩელსისთან მატჩამდე საუბრობდა - ლონდონში გამართულმა შეხვედრამ კი, რომელშიც ის გააძევეს და ბარსამ 0:3 წააგო, სიტუაცია გააძაფრა.

ალავესთან და ატლეტიკოსთან ლა ლიგის მატჩები არაუხომ ოფიციალური მიზეზით კუჭ-ნაწლავის ინფექციის გამო გამოტოვა, თუმცა პრესა წერდა, რომ პირველადი და მთავარი მიზეზი სწორედ მძიმე ფსიქოლოგიური მდგომარეობაა.

თუ იანვრამდე ფეხბურთელის მდგომარეობა არ დასტაბილურდება, ბარსა მისი შემცვლელის დამატებასი ანვარშივე შეეცდება, მიუხედავად იმისა, რომ ჰანსი ფლიკი მეტწილად კმაყოფილია მისი შემცვლელების - ჟერარ მარტინის, ერიკ გარსიას და ანდრეას კრისტენსენის თამაშით.