ოფიციალურად: მოდრიჩმა მილანთან კონტრაქტი გაახანგრძლივა

მილანმა დაადასტურა, რომ ლუკა მოდრიჩმა კლუბთან კონტრაქტი კიდევ ერთი სეზონით გაახანგრძლივა.

ხორვატ ნახევარმცველსა და იტალიურ კლუბს შორის ახალი შეთანხმება 2027 წლის 30 ივნისამდე იმოქმედებს.

40 წლის მოდრიჩი როსონერის ნახევარდაცვის ერთ-ერთი უმნიშვნელოვანესი ფიგურაა გუნდში გადმოსვლის დღიდან.

მსოფლიო ფეხბურთის ერთ-ერთი ყველაზე გამორჩეული და ლეგენდარული მოთამაშე მილანის მაისურით საკუთარ გზას გააგრძელებს. გასულ სეზონში მან როსონერის შემადგენლობაში 37 მატჩი ჩაატარა და 2 გოლი გაიტანა.

ლუკა მოდრიჩი მილანში კვლავ 14-ნომრიანი მაისურით ითამაშებს.