ნოტინგემ ფორესტის ოფიციალური გვერდი ადასტურებს, რომ შონ დაიჩი მთავარი მწვრთნელის თანამდებობიდან გათავისუფლებულია.
"გვინდა მადლობა გადავუხადოთ შონს და მის სამწვრთნელო შტაბს კლუბში გაწეული მუშაობისთვის და ვუსურვოთ მათ ყოველივე საუკეთესო მომავალში. ამ ეტაპზე დამატებით კომენტარს არ გავაკეთებთ." - წერია კლუბის განცხადებაში.
შონ დაიჩი ნოტინგემის მთავარ მწვრთნელად 2025 წლის ოქტომბერში დაინიშნა, მან თანამდებობაზე ენჯ პოსტეკოგლუ შეცვალა.
დაიჩის ბოლო მატჩში ფორესტმა ბოლოადგილოსანი ვულვზი ვერ დაამარცხა, გუნდი კი 27 ქულით მე-17 ადგილზეა და გასავარდნ ზონაში მყოფ ვესტ ჰემს 3 ქულით უსწრებს.
