ოფიციალურად: რაშფორდი ასტონ ვილაში ითამაშებს

ასტონ ვილამ ოფიციალურად დაადასტურა, რომ მარკუს რაშფორდი მანჩესტერ იუნაიტედიდან იჯარის წესით ვილაში ითამაშებს.

27 წლის ინგლისელი შემტევი, რომელსაც ნაკრებში 60-ჯერ უთამაშია, ასტონ ვილაში სეზონის ბოლომდე იასპარეზებს.

რაშფორდს იუნაიტედში ჩატარებულ 400 მატჩში 138 გოლი აქვს გატანილი და მანჩესტერთან ერთად ევროპა ლიგა, 2 FA თასი და 2 ლიგის თასი აქვს მოგებული.

მარკუსს რუბენ ამორიმის მისვლის შემდეგ წითელ ეშმაკებში სათამაშო დრო აღარ ეძლეოდა და სამატჩო განაცხადში საერთოდ ვეღარ ხვდებოდა.