ოფიციალურად: სერხიო ბუსკეტსი ბარსელონაში დაბრუნდა

სერხიო ბუსკეტსი ბარსელონა B-ს სამწვრთნელო შტაბს შეუერთდა და მთავარი მწვრთნელის ასისტენტის როლს შეასრულებს.

,,ბარსელონას ლეგენდა ჟულიანო ბელეტის გუნდში იმუშავებს და ახალგაზრდა ფეხბურთელებს საკუთარ გამოცდილებასა და საფეხბურთო ცოდნას გაუზიარებს, პარალელურად კი სამწვრთნელო კურსს დაასრულებს.

ამგვარად, ბუსკეტსი კლუბში პირველი გუნდის დატოვებიდან 3 წლის შემდეგ ბრუნდება. ბარსელონას მაისურით გატარებული 15 სეზონის შემდეგ, ესპანელმა კარიერა ინტერ მაიამიში გააგრძელა, სადაც ორნახევარი სეზონი ითამაშა, შემდეგ კი საფეხბურთო კარიერის დასრულების შესახებ განაცხადა.

ახლა, თითქმის ორი ათწლეულის განმავლობაში უმაღლეს დონეზე თამაშის შემდეგ, ბუსკეტსი თავისი ცხოვრების კლუბში ახალ ეტაპს იწყებს.

მისი გამოცდილება, ცოდნა და ფეხბურთის აღქმის უნიკალური სტილი ჟულიანო ბელეტის სამწვრთნელო შტაბის მნიშვნელოვანი ნაწილი გახდება.

მისი მიზანი ბარსელონას სარეზერვო გუნდის ახალგაზრდა ფეხბურთელების განვითარებასა და მომზადებაში საკუთარი წვლილის შეტანა იქნება." - წერია კლუბის ოფიციალურ განცხადებაში.