ანტონიო კონტემ ისაუბრა, როგორი გავლენა ექნება კევინ დე ბრუინის ტრავმას ნაპოლის თამაშზე.
ბელგიელმა დაზიანება ინტერთან სერია ა-ს მატჩში მიიღო, რომელიც ნაპოლიმ 3:1 მოიგო. არსებული ინფორმაციით, ფეხბურთელს 3-დან 4 თვემდე გაუცდება.
„მთელი ზაფხული ლაპარაკობდნენ, რომ ძალიან გავძლიერდით. ახლა კი ჩვენ ორი საუკეთესო ფეხბურთელი დავკარგეთ - ლუკაკუ და დე ბრუინი.
ვიღაც ამბობს, რომ ეს შესაძლოა დაგვეხმაროს, რაც სრული აბსურდია. თუმცა, ალბათ ამის თქმა ნორმალურია, რადგან შესაძლოა, ვიღაცას ხელს ვუშლიდეთ." - აღნიშნა იტალიელმა სპეციალისტმა.
ლუკაკუმ დაზიანება აგვისტოში მიიღო და სავარაუდოდ, დეკემბრამდე მოედანს ვერ დაუბრუნდება.
