VIDEO: წაუგებელი სერია გრძელდება - ნაპოლის ქულა ახალწვეულმა გადაურჩინა

იტალიის სერია ა-ს 25-ე ტურში ნაპოლიმ სტადიო დიეგო არმანდო მარადონაზე რომა მიიღო.

შეხვედრაში ანგარიში მე-7 წუთზე გაიხსნა. სტუმრები დონიელ მალენმა დააწინაურა. ტაიმის ბოლოს, მე-40 წუთზე კი ლეონარდო სპინაცოლამ შორეული გასროლით გაათანაბრა ანგარიში.

მეორე ტაიმშიც გუნდებმა თითო გოლის გატანა შეძლეს. 71-ე წუთზე მალენმა უკვე პენალტი შეასრულა ზუსტად და დუბლი მიითვალა. 82-ე წუთზე კი ნაპოლისთვის ქულის მომტანი გოლი ახალწვეულმა ალისონ სანტოსმა გაიტანა, რომლისთვისაც ეს სადებიუტო გოლი აღმოჩნდა.

ნაპოლის 50 ქულა დაუგროვდა და სატურნირო ცხრილში მე-3 ადგილზე იმყოფება. მეორეადგილოსან მილანთან, რომელსაც 1 მატჩით ნაკლები აქვს, ჩამორჩენა 3 ქულაა, რომა კი 47 ქულით მე-4 ადგილზეა და იუვენტუსს 1 ქულით უსწრებს.

ამ შედეგით ნაპოლის წაუგებელი სერია საკუთარ მოედანზე გრძელდება, რომელიც უკვე 23 მატჩს ითვლის. ეს 1986-88 წლების შემდეგ გუნდისთვის საუკეთესო შედეგია.