პსჟ-მ ოქროს ბურთის მოქმედ გამარჯვებულს, უსმან დემბელეს ახალი კონტრაქტი შესთავაზა.
Foot Mercato-ს ინფორმაციით, პარიზულმა კლუბმა ფრანგ ფეხბურთელს წელიწადში 30 მილიონი ევროს ხელფასი შესთავაზა. თუმცა, დაუყონებლივ უარი მიიღო, რადგან დემბელე ორჯერ მაღალ ხელფასს ითხოვს.
ამ ეტაპზე მხარეები კონტრაქტის გახანგრძლივებისგან შორს არიან — არსებული შეთანხმება 2028 წლის ზაფხულამდე მოქმედებს.
ჟურნალისტი სანტი აუნა იუწყება, რომ ოქროს ბურთის მოგებამ ფეხბურთელს მადა აღუძრა, რის გამოც მას მოქმედი პირობები აღარ აკმაყოფილებს და მიაჩნია, რომ თავისი ამჟამინდელი სტატუსით, ორჯერ დიდ ხელფასს იმსახურებს.
მიმდინარე სეზონში დემბელემ 16 მატჩში 6 გოლი და 4 საგოლე პასი მიითვალა.
