ვიქტორ ოსიმენმა ლივერპულთან მატჩის შემდეგ სოციალურ ქსელში პოსტი გამოაქვეყნა და გალათასარის გულშემატკივრების პერფორმანსს გამოეხმაურა.
,,დღევანდელი საღამო ჩემთვის ძალიან ემოციური იყო და ძლივს ვიკავებდი ცრემლებს. გალათასარაის გულშემატკივრებისგან ასეთი სიყვარულის ნახვა არის ის, რაც მთელი ცხოვრება არასოდეს დამავიწყდება.
პირველი დღიდან, როცა აქ ჩამოვედი, თქვენ ძალიან დიდი სიყვარულითა და პატივისცემით მიმიღეთ, არა მხოლოდ მე, არამედ ჩემი ოჯახი და ჩემთან ახლოს მყოფი ადამიანებიც.
ასეთი მომენტები მახსენებს, რომ ფეხბურთი მხოლოდ თამაში არ არის. ეს არის სიყვარული, ერთგულება და ერთობა.
გპირდებით, რომ ყოველთვის, როცა ამ მოედანზე გავალ, ყველაფერს გავაკეთებ ამ ემბლემისთვის, ამ კლუბისთვის და ამ საოცარი გულშემატკივრებისთვის.
მადლობა, რომ დღევანდელი საღამო დაუვიწყარი გახადეთ.
ჩვენ ოჯახი ვართ." - წერს ნიგერიელი თავდამსხმელი ინსტაგრამზე.
ლივერპულთან მატჩის წინ, გალათასარაის გულშემატკივრებმა ტიფო გამოფინეს, სადაც ვიქტორ ოსიმენი დედასთან ერთად იყო გამოსახული. ვიქტორის დედა ადრეულ ასაკში გარდაიცვალა.
გალათასარაიმ ლივერპული 1-0 დაამარცხა. ოსიმენმა საგოლე პასი მიითვალა, გამარჯვების გოლი კი მარიო ლემინამ გაიტანა.
VIDEO: დებიუტი ლიგის პლეი-ოფში - მამარდას ლივერპული თურქეთში დამარცხდა
