გალათასარაის თავდამსხმელმა, ვიქტორ ოსიმენმა, განმარტა, თუ რატომ არ აღნიშნა იუვენტუსის კარში გატანილი გოლი ჩემპიონთა ლიგის საპასუხო შეხვედრაში.
ნიგერიელმა ფორვარდმა თავი 105+1-ე წუთზე გამოიჩინა და საბოლოოდ ისე აღმოჩნდა, რომ სწორედ ამ გოლმა გაიყვანა თურქული კლუბი ტურნირის 1/8 ფინალში.
მიუხედავად გოლის უდიდესი მნიშვნელობისა, ოსიმენმა თავშეკავება გამოიჩინა. თამაშის შემდეგ კი, ამის მიზეზიც დაასახელა:
„ეს არ მჭირდებოდა. მიმაჩნია, რომ მნიშვნელოვანია პატივისცემა გამოვხატო იმ ადამიანის მიმართ, ვისაც ძალიან ვაფასებ და ვინც ჩემს კარიერაში უდიდესი როლი ითამაშა. რა თქმა უნდა, სპალეტიზე ვსაუბრობ“.
შეგახსენებთ, რომ ვიქტორ ოსიმენი ლუჩანო სპალეტის ხელმძღვანელობით ნაპოლიში თამაშობდა, სადაც მათ ერთად იტალიის ჩემპიონობა მოიპოვეს.
