პატრის ევრა: "დეშამი მიყვარს, მაგრამ ზიდანი პარიზში ეიფელის კოშკივითაა“

პატრის ევრა მიიჩნევს, რომ ზინედინ ზიდანის ეროვნულ გუნდში გამოჩენა განსაკუთრებული მოვლენა იქნება.

ოფიციალურად არის დადასტურებული, რომ დეშამი საფრანგეთის ნაკრებს 2026 წლის მუნდიალის შემდეგ დატოვებს და მისი შეცვლის მთავარ ფავორიტად სწორედ ზიზუ მიიჩნევა.

„დეშამი ჩემთვის ძმასავითაა და მალე მსოფლიო ჩემპიონატია, მაგრამ დიახ, მოხარული ვიქნებოდი, თუ ნაკრებს ზიდანი ჩაიბარებდა.

ყველას უყვარს ზიზუ, ის პარიზში ეიფელის კოშკივითაა,“ — განაცხადა ევრამ.

დიდიე დეშამი საფრანგეთის ნაკრების ისტორიაში ყველაზე წარმატებული მწვრთნელია. მან გუნდი 2012 წელს ჩაიბარა და მას შემდეგ „მამლები“ მსოფლიო ფეხბურთის მთავარ დომინანტ ძალად აქცია — მასთან ერთად ფრანგებმა 2018 წლის მსოფლიო ჩემპიონატი და 2020/21 წლების ერთა ლიგა მოიგეს, ასევე იყვნენ 2022 წლის მუნდიალისა და 2016 წლის ევროს ფინალებში.