VIDEO: საფრანგეთმა თურქეთს მოუგო და ჯგუფში პირველი ადგილი დაიკავა

ერთა ლიგის A დივიზიონის მე-6 ტურში საფრანგეთმა შინ თურქეთის ნაკრები დაამარცხა.

შეხვედრა ბორდოში გაიმართა და მასპინძელთა გამარჯვებით 2:1 დასრულდა.

სამივე გოლი მეორე ტაიმში გავიდა - ზიდანის გუნდი ტოპჩუს ავტოგოლით დაწინაურდა, 80-ზე კრუპიმ შეძლო მეორედ თურქების კარის აღება, მატჩის მიწურულს კი ერთი ბურთი ბარდაკჯიმ გაქვითა.

საბოლოოდ, საფრანგეთმა ამ გამარჯვებით 13 ქულა დააგროვა და 1/4 ფინალში პირველი ადგილით გავიდა, რაც იმას ნიშნავს, რომ პირველ მეოთხედფინალურ მატჩს სტუმრად გამართავს.

1/4 ფინალის საგზური ასევე მოიპოვა ბელგიამაც, რომელმაც ბოლო ტურში იტალია 4:1 გაანადგურა და მეორე ადგილის მოპოვება შეძლო. სკუადრა აძურა კი, რომელიც ტურის დაწყების წინ ჯგუფს ლიდერობდა, მესამე ადგილს დასჯერდა და უბრალოდ A დივიზიონში შეინარჩუნა ადგილი.

1-0 ავტოგოლი 49'

2-0 კრუპი 80'

2-1 ბარდაკჯი 90'