მერამდენე მატჩზე შეწყდა ესპანეთის ლეგენდარული სერია?

სპანეთის ნაკრების შთამბეჭდავი წაუგებელი სერია დასრულდა.

ლუის დე ლა ფუენტეს გუნდმა ერთა ლიგის ჯგუფური ეტაპის მეექვსე ტურში ინგლისთან 2:3 წააგო.

VIDEO: საოცარი მატჩი მადრიდში - ინგლისმა ესპანეთის წაუგებელი სერია დაასრულა

ამ მარცხით ესპანელთა რეკორდული, 43-მატჩიანი წაუგებელი სერია შეწყდა. აღსანიშნავია, რომ ინგლისთან შეხვედრამდე ესპანეთს ზედიზედ 12 მატჩი ჰქონდა მოგებული.

ესპანეთის ნაკრებს ძირითადი და დამატებითი დროის განმავლობაში 2024 წლის მარტის შემდეგ არ ჰქონდა წაგებული, როდესაც ამხანაგურ შეხვედრაში კოლუმბიასთან 0:1 დამარცხდა.

მას შემდეგ ესპანელებმა 43 მატჩში 34 გამარჯვება მოიპოვეს და 9-ჯერ ფრედ ითამაშეს.

ამ პერიოდში ერთადერთი მარცხი ესპანეთმა 2025 წლის ერთა ლიგის ფინალში განიცადა, როდესაც პორტუგალიასთან პენალტების სერიაში დამარცხდა.

თუმცა აღნიშნული შეხვედრა ოფიციალურად ფრედ ითვლება, რადგან გამარჯვებულის გამოსავლენად პენალტები გახდა საჭირო.