პორტუგალიის ფეხბურთის ფედერაციამ კრიშტიანუ რონალდუს წინააღმდეგ დისციპლინური საქმის წარმოება დაიწყო და ფეხბურთელი დროებით დისკვალიფიკაციით დასაჯა.
კრიშტიანუ რონალდუს დროებითი დისკვალიფიკაცია შეუფარდეს. ამჟამად ფეხბურთელი დისციპლინური საქმის საბოლოო გადაწყვეტილებასა და განაჩენს ელოდება.
საინტერესოა, რომ პორტუგალიის ნაკრების ბანაკის დატოვების გამო რონალდუმ საჯაროდ ბოდიში მოიხადა და თავადვე გამოთქვა სურვილი, რომ მის მიმართ შესაბამისი სანქცია გამოეყენებინათ.
პორტუგალიის ფეხბურთის ფედერაციის ოფიციალურ განცხადებაში ნათქვამია:
„2026 წლის 9 ოქტომბერს, არაპროფესიული სექციის გადაწყვეტილებით, კრიშტიანუ რონალდუს წინააღმდეგ დისციპლინური საქმის წარმოება დაიწყო.
გამოძიების მიზანია 7 ოქტომბერს დაფიქსირებული ფაქტების შესწავლა და იმის დადგენა, შეიცავს თუ არა ისინი დისციპლინური პასუხისმგებლობის საფუძველს.
ფეხბურთელის მიმართ ავტომატურად მოქმედი პრევენციული დისკვალიფიკაციის მიუხედავად, რომელიც შესაბამისი გადაწყვეტილების მიღებამდე ძალაში იყო, გადაწყდა მისთვის დამატებით, არაავტომატური პრევენციული დისკვალიფიკაციის შეფარდება.
ამასთან, დისციპლინურ წარმოებას გადაუდებელი საქმის სტატუსი მიენიჭა“, – ნათქვამია პორტუგალიის ფეხბურთის ფედერაციის განცხადებაში.
რონალდუმ საჯაროდ გამოაქვეყნა ციტატები, რაც ჟორჟე ჟეზუშს პრესკონფერენციაზე უნდა ეთქვა
