პორტუგალიის ნაკრებიდან 41 წლის კრიშტიანუ რონალდუს წასვლას დიდი სკანდალი მოჰყვა!
ფეხბურთელმა გუნდის ბანაკი მას შემდეგ დატოვა, რაც მთავარმა მწვრთნელმა, ჟორჟე ჟეზუშმა ნორვეგიასთან ერთა ლიგის მატჩში ის მოედანზე გასახურებლად გაიყვანა, თუმცა თამაშში მაინც არ ჩართო.
რონალდუს თქმით, ჟეზუშმა მასთან დადებული პირობა ორჯერ დაარღვია - ჯერ მოედანზე არშეყვანით, ხოლო შემდეგ დათქმული პრესკონფერენციის ტექსტის შეცვლით.
რონალდუ ნაკრებიდან არ მიდის? პორტუგალიელის საგანგებო განცხადება
კრიშტიანუმ გაასაჯაროა ის 8 პუნქტი, რომელიც ჟეზუშს დანიასთან მატჩისწინ პრესკონფერენციაზე სიტყვასიტყვით უნდა ეთქვა:
„პირადად შევთავაზე კრიშტიანუს ამ სეზონის გეგმა. ეს იყო ხანგრძლივი და ძალიან კარგი საუბარი.“
„ვიცი, როგორ უყვარს მას ნაკრები, რა მნიშვნელობა აქვს მსოფლიო ფეხბურთში და რა დადებითი გავლენა აქვს გუნდზე უკვე 24 წელია.“
„კრიშტიანუმ ჩემი შეთავაზებული გეგმა მიიღო.“
„მას ეჭვი არასდროს შეუტანია ჩემს გადაწყვეტილებებში. იქცეოდა სამაგალითოდ, ერთგულად და პროფესიონალურად.“
„ნორვეგიასთან მატჩი გეგმაში არ შედიოდა, თუმცა ჩავთვალე, რომ აღდგენილი იყო და ვუთხარი, რომ შეიძლება მისი შეყვანა დამჭირვებოდა. კრიშტიანუ დათანხმდა.“
„შეცდომა დავუშვი, როდესაც პელესა და მარადონას დონის მოთამაშე გასახურებლად გავაგზავნე და მერე მოედანზე არ შევიყვანე. დღეს ასე აღარ მოვიქცეოდი.“
„მინდა, რომ კრიშტიანუმ ნაკრებში ითამაშოს - უბრალოდ კი არ მინდა, ძალიან მინდა. საბედნიეროდ, მას სჯერა ჩემი. სჯეროდა ალ-ნასრში და სჯერა ახლაც.“
„გულშემატკივრებთან მისალმებას რაც შეეხება - 230-ზე მეტი მატჩის ჩამტარებელ მოთამაშეს ჩემი გაკვეთილები არ სჭირდება. ეს იმედგაცრუების მომენტი იყო. ის ყველაზე მეტ ავტოგრაფს და ფოტოს არიგებს, ნუ შევქმნით პრობლემას იქ, სადაც არ არის.“
