ბარსელონას ყოფილმა მცველმა, ჟერარ პიკემ, The Late Run-ის პოდკასტში ლიონელ მესის ბავშვობა გაიხსენა, როდესაც ისინი კატალონიური კლუბის აკადემიაში ერთად ვარჯიშობდნენ.
პიკეს თქმით, ლეო მაშინვე განსაკუთრებული ნიჭით გამოირჩეოდა:
„მასთან ერთად თამაში 13 წლის ასაკიდან დავიწყე და ის უბრალოდ გიჟი იყო. მატჩებს 15:0-ს ან 20:0-ს ვიგებდით და ის ყოველ შეხვედრაში უამრავ გოლს იტანდა.
მაშინ მთავარი კითხვა ის იყო, შეძლებდა თუ არა ყველაფერ იმის გადატანას პირველ გუნდში და პროფესიონალურ დონეზე, რასაც აკადემიაში აკეთებდა.
ეს იყო მთავარი ეჭვი, რადგან თუ ის ამას შეძლებდა, ზუსტად ვიცოდით, რომ ფეხბურთის ისტორიას შეცვლიდა. საბოლოოდ, მან ეს შეძლო.“
