პედი პიმბლეტმა არმან ცარუკიანი გააკრიტიკა და ახსნა, თუ რატომ ვერ მიიღო მან სატიტულო შანსი.
„დარიუში 65 წლისას ჰგავს. მთლიანად ჭაღარაა. მან დარიუში დაამარცხა. ჩარლზ ოლივეირა არ დაუმარცხებია, ბევრი ფიქრობს, რომ ის ბრძოლა მას არ მოუგია.
ოქტაგონიდან რომ გადიოდა, გულშემატკივარს დაარტყა. ბანი დაადეს. ალბათ UFC-ს უზარმაზარი ჯარიმის გადახდა მოუწია იმისთვის, რომ იმ კაცს სასამართლოში არ ეჩივლა.
შემდეგ მიიღო ტიტულისთვის შანსი და - ‘ოო, ზურგი მტკივა’. ზურგის ტკივილმა დაამარცხა, სინამდვილეში ალბათ წონას ვერ აბარებდა.
მერე 11 თვე იჯდა, შესთავაზეს ბრძოლა გამროტთან და უარი თქვა. მე თუ ვინმეს წინააღმდეგ ბრძოლას შემომთავაზებდნენ, ვინც ერთხელ უკვე დამამარცხა, მაშინვე დავთანხმდებოდი.
შემდეგ ებრძოლა დენ ჰუკერს, პირისპირ დგომისას თავი ჩაარტყა, კიდევ ერთი მთავარი ბრძოლა კინაღამ ჩაშალა.
როგორც არ უნდა მიყვარდეს დენ ჰუკერი, ის ცუდი მებრძოლია. ჭიდაობა საერთოდ არ შეუძლია. მე რომ ის გილიოტინა გამეკეთებინა არმანზე, უგონოდ გაიყვანდნენ.
როცა დენ ჰუკერი კინაღამ გილიოტინას გიკეთებს, შენ ჯიუჯიცუში ცუდი ხარ.“ - განაცხადა ბრიტანელმა მებრძოლმა.
მსუბუქი წონის დროებითი ქამრისთვის პედი პიმბლეტი ჯასტინ გეიჯის დაუპირისპირდება, მათ შორის გამარჯვებული კი ილია თოფურიას შეხვდება.
