პირველი გამარჯვება - ქუთაისმა ევროპის თასზე ჩეხურ ბრნოს სტუმრად მოუგო

საქართველოს მოქმედმა ჩემპიონმა, ქუთაისი 2010-მა ფიბა-ს ევროპის თასის მიმდინარე სეზონში პირველი გამარჯვება იზეიმა. იმერლებმა მე-4 ტურის მატჩში ჩეხურ ბრნოს გასვლითი თამაში მოუგეს - 80:73.

კოტე ტუღუშის გუნდმა პირველი 3-ვე მეოთხედი მოიგო, ხოლო დასკვნითი მეოთხედი 23:23 დასრულდა, რამაც ქართველ კალათბურთელებს გამარჯვებისკენ გზა გაუხსნა.

შეხვედრის ყველაზე შედეგიანი მოთამაშე ჩეხთა ლეგიონერი ენტონი უილიამსი გახდა - 24 ქულა, 5 მოხსნა და 8 ასისტი. ქუთაისელთაგან კი დეტრეკ ბრაუნინგი (19 ქულა, 4 მოხსნა და 3 ასისტი) და ლუკა ალავიძე (17 ქულა, 6 მოხსნა და 7 ასისტი) გამოირჩნენ, ხოლო მარქუს გილსონს საერთოდ სოლიდური ორმაგი დუბლი ჰქონდა - 14 ქულა, 14 მოხსნა (5 მეტოქის ფარზე) და 2 ასისტი. 13-ქულიანი მატჩი ჰქონდა ტაირი ბოიკინს, ნიკა დარბაიძემ 8 ქულა ჩააგდო, გიორგი სულაბერიძემ კი - 7.

4 ტურის შემდეგ, ქუთაისი 2010-ს 1 მოგება და 3 წაგება აქვს და ჯგუფში ისევ ბოლო ადგილზეა.

12 ნოემბერს, კოტე ტუღუშის გუნდი ბერძნულ პერისტერის თბილისის ოლიმპიურ სასახლეში უმასპინძლებს, ხოლო 19 რიცხვში ბილბაოსთან ესპანეთში ითამაშებს.