ბელგრადში მიმდინარე წყალბურთის ევროპის ჩემპიონატზე, საქართველოს ნაკრებმა ჯგუფური ეტაპის მე-5 შეხვედრა გამართა და პირველი გამარჯვება იზეიმა.
ჩვენმა გუნდმა თურქეთის ნაკრებს რთულ ბრძოლაში აჯობა - პირველი 3 ტაიმი ბურთი-ბურთში წავიდა და გადამწყვეტი ტაიმის წინ თურქები 9:8-ს იგებდნენ, თუმცა ქართველებმა ბოლო ტაიმი 4 ბურთით მოიგეს და საბოლოო გამარჯვება მოიპოვეს.
შედეგად, საქართველოს ნაკრებმა ჯგუფური ეტაპი 3 ქულითა და მე-5 ადგილით დაასრულა, რაც ნიშნავს, რომ ბრძოლას ევროპის ჩემპიონატის მე-9 ადგილისთვის გააგრძელებს.
ხვალ, 22 იანვარს, ქართველი წყალბურთელები მე-9 ადგილისთვის შეხვედრაში საფრანგეთის ეროვნულ გუნდს დაუპირისპირდებიან.
