ჰანსი ფლიკის ბარსელონა ახალგაზრდული ენერგიითა და რეკორდების დამსხვრევით აგრძელებს ასპარეზობას.
ატლეტიკის წინააღმდეგ გამართულ საშინაო შეხვედრაში გერმანელმა სპეციალისტმა მოედანზე ისტორიული შემადგენლობა გაიყვანა.
კატალონიელთა სასტარტო თერთმეტეულის საშუალო ასაკმა სულ რაღაც 23.18 წელი შეადგინა. ეს გახდა ყველაზე ახალგაზრდული გუნდი, რაც კი ბარსელონას საკუთარ მოედანზე ოფიციალურ მატჩში ოდესმე გამოუყვანია.
ფლიკის ახალგაზრდული ნდობის ყველაზე თვალსაჩინო ინდიკატორი ის ფაქტია, რომ სასტარტო შემადგენლობაში მე-20 საუკუნეში დაბადებული მხოლოდ ერთი ფეხბურთელი, გუნდის ბრაზილიელი ლიდერი, რაფინია იმყოფებოდა. ყველა დანარჩენი მოთამაშე 2000 წლის შემდეგ არის დაბადებული.
გერმანელი მწვრთნელის ეს რადიკალური ნდობა ახალგაზრდებისადმი სრულად გამართლდა, გუნდმა სანახაობრივი ფეხბურთი აჩვენა და მორიგი მნიშვნელოვანი გამარჯვება ჩაიწერა აქტივში.
